وثيقة بكل فخر قلبي وثق لك
جبل ما شفت باخلاقك وثقلك
الك يرخص دمع عيني وثق لك
القلب لمن يدك يوكع بدية
يدنية بلومي او شكواي حسي
وعن وجهي غبار الضيم حسي
اضل اصرخ واصيح بعلو حسي
لما تحسين يا دنياي بية
احبك حب ما ينوصف وصفة
او حبي الك مثل الذهب واصفة
او عليمن يكتب الدكتور وصفة
عيونك والشفايف صيدلية
مشغولين بيمن من شغلكم
ولو مو شغلي هذا من شغلكم
بعد ما راح ابجي او من شغلكم
اموتن راح واخصمهة القضية
اغيم وامطر او انخبط واصفة
على الي راح مني او تاه وصفة
حبيبي او كان الي ولبلواي وصفة
اشك الكفن لو مر طيفة بية
جروحي بعدد طعناتة اعدهن
سجل ما عاد اسجلهن واعدهن
انا متاني لمن يوصل وعدهن
واحط طينتة بخدة العاش بية
ترف يالصورك ربك من العين
اخاف عليك من تمشي
من العين
انا معذور يا مدلل
من العن ابوك الخلفك للناس اذية
الي موال خلي او بستكانة
او شكر ذابت شفافك بستكانة
امس بالطيف كتلة بستك انة
من نهد ما كتلة ما راضي علية
هام العقل من حبك وجن بيك
او شبيه الكمر من يضون وجن بيك
ابوسك لو يحبسوني واجن بيك
اوامر من وزير الداخلية
حبيبي عليك كلي من تجي النة
الي كلك نار كذب من تجي النة
تعرف شيصير بية من تجي النة
قبل بابي القلب ياخد تحية
ولو طولت عليكم
تحياتي لكل من يقرا هذا الموضوع واتمنة يعجبكم
